Maidir Linn
Cé Muid
Maidir Linn
Tá Coláiste Aoidh Mhic Bhricne i measc na gcoláistí samhraidh is faide bunaithe i gCúige Uladh. Tá na céadta duine ag freastal ar ár gcúrsaí i dTeileann in iardheisceart Thír Chonaill ó 1955 ar aghaidh. Is é ár mian go ndéanfar freastal ar dhaoine óga a dteastaíonn uathu an Ghaeilge agus gach a mbaineann léithe a fhoghlaim ar bhealach spraoiúl sultmhar. Tá cúig sheomraí ranga, halla mór, clós spóirt agus siopa ar thalamh an choláiste.
Neadaithe idir Sliabh a’ Liag agus Cuan Theilinn, tá fáil ag ár gcuid scoláirí ar thráigheanna áitiúla, ar shléibhte agus ar ghníomhaíochtaí bréatha faoin spéir. Bíonn gach scoláire a thagann go Teileann rannpháirteach i saol na Gaeltachta agus iad ag fanacht le teaghlaigh áitiúla i dTeileann. Eagraíocht neamhbhrabúis is ea Coláiste Aoidh Mhic Bhricne a dhéanann gach iarracht tacaíocht a thabhairt d’fhoghlaim na teanga ar bhonn áitiúil agus dár ndaltaí.
Dr Pádraig Ó Tiarnaigh
Cathaoirleach
Tá Pádraig ina Chathaoirleach ar an Choláiste. As Mullach Bán i gcontae Ard Mhacha ó dhúchas, bhí Pádraig ina scoláire, ina cheannaire agus ina mhúinteoir sa choláiste. Níor chaill sé samhradh i dTeileann ó 2001. Is Feidhmeannach Cumarsáide, Chosaint Teanga & Ionadaíochta é le Conradh na Gaeilge agus léachtóir Gaeilge le hOllscoil Uladh. Déanann sé cúrsaí an choláiste a stiúradh.
Gearóid Ó Deoráin
Príomhoide
Is príomhoide na gcúrsaí é Gearóid agus agus bíonn sé ag teagasc ar na cúrsaí fosta. Tá cónaí ar Ghearóid i dTír Eoghain ach is as an Mullach Bán i gcontae Ard Mhacha dó. Bhí Gearóid ina scoláire agus ina cheannaire i dTeileann. Is múinteoir bunscoile é atá ag teagasc i nGaelscoil Uí Dhochartaigh ar an tSráth Bán. Ceoltóir aitheanta é chomh maith.
Shane Ó Curraighín
Oifigeach Forbartha
Bíonn Shane ag plé le forbairt an choláiste agus an fhoirgnimh lena chinntiú go gcomhlíontar caighdeáin na Roinne. Tá Shane ina thuairisceoir le Nuacht RTÉ/TG4. Is as Baile Mór, Teileann dó. Fanann scoláirí leo sa bhaile. Chaith Shane blianta mar cheannaire sa Choláiste.
Caitríona Nic Giolla Easpaig
Comhairleoir na gCúrsaí
Is príomhoide Gaelscoile í Caitríona i mBaile Átha Cliath. Cuireann Caitríona a saineolas ar fáil don choiste faoi dhearadh, leagan amach agus cur cuige múinteoireachta na gcúrsaí samhraidh. Is as an Baile Mór, Teileann í Caitríona. Bíonn scoláirí ag fanacht leo sa bhaile. Tá táithí cuimsitheach ag Caitríona i rólanna éagsúla leis an choláiste mar; rúnaí na gcúrsaí, múinteoir agus ceannaire.
Pádraig Ó Fearáin
Cisteoir
Tá Pádraig ina chisteoir ar an choláiste. Cuireann sé a saineolas ar fáil chomh maith faoi chur chuige na gcúrsaí. Múinteoir méanscoile Gaeilge atá ann in Acadamh Naomh Pádraig, Dún Geanainn. Bhí sé ina cheannaire sa choláiste roimhe.
Proinsias Ó Coinn
Oifigeach Caidreamh Poiblí
Léiritheoir raidió is ea Proinsias le BBC TÉ atá i bhfeighil ar chúrsaí poiblíochta agus margaíochta an choláiste. Tá cónaí air i mBéal Feirste. D’fhreastal sé ar chúrsaí samhraidh i dTeileann le linn a hóige mar scólaire agus mar cheannnaire.
Misean Ráitis agus ár nAidhmeanna
Cúrsaí Gaeltachta d’ardchaighdéan a chur ar fáil do dhaoine óga
- Freastal ar dhaoine óga ar mhian leo Gaeilge a fhoghlaim ar bhealach sultmhar
- Deis a thabhairt do dhaoine óga a bheith rannpháirteach i saol na Gaeltachta
- Ceangal cairdeas a chothú idir daoine óga tríd an Ghaeilge
- Deis a thabhairt do dhaoine óga ó gach cúlra teacht le chéile sa Ghaeltacht0
Máire Nic Giolla Chóill
Comhairleoir na gCúrsaí
Tá Máire i gceannas ar múineadh na Gaeilge in Acadamh Naomh Pádraig, Dún Geanainn. Cuidíonn Máire struchtúr, polasaithe agus clár oibre na gcúrsaí samhraidh a shochrú. Is as Dún Geanainn i dTír Eoghain í Máire. D’fhreastal a teaghlach ar an choláiste i dTeileann.
Séamus Ó Beirn
Comhairleoir Polasaí
Cuireann Séamus comhairle ar an choiste faoi cheisteanna polasaithe, oideachais agus riaracháin. Is abhcóide é Séamus atá i mbun taighde dlí in Ollscoil John Hopkins i Learphóil. Is as an Cheapach i dTeileann é Séamus. Bhí sé ina cheannaire sa choláiste agus d’fhán scoláirí ina theach ar feadh na mblianta.
Helena Ní Bhrollacháin
Oifigeach Chúram Leanaí
Chaith Helena breis agus 6 bliana mar phríomhoide sa Choláiste, agus í gníomhach le gnó bainstíochta le linn na tréimhse sin fosta. Bean áitiúil í Helena a oibríonn mar mhúinteoir Gaeilge i nGaelCholáiste Chill Dara.
